တေႁဵတ်းႁိုဝ် ႁဵတ်းႁႂ်ႈ ႁႅင်းမၢၵ်ႇထၢတ်ႈ ၶၢမ်ႇႁိုင် တီႈ iOS7

ဢၼ်ၵူၼ်းၸႂ်ႉတိုဝ်း Smart Phone ၵမ်ႉၼမ်ၼမ် ၵႆႉလႆႈထူပ်းၺႃး ပၼ်ႁႃ မၢၵ်ႇႁႅင်း Battery Problems ၶႃႈယဝ်ႉ။ ယွၼ်ႉပိူဝ်ႈ မၢၵ်ႇထၢတ်ႈၼႆႉ ႁႅင်းမၼ်းဢမ်ႇပေႃး ၸႂ်ႉတိုဝ်းလႆႈ ႁိုင်ႁိုင်ၼၼ်ႉၶႃႈယဝ်ႉ။

ဝၢႆးသေ iOS 7 ဢွၵ်ႇမႃးသေယဝ်ႉ လႆႈငိၼ်းၵမ်ႈၽွင်ႈဝႃႈ iOS 7  ၼႆႉ မၼ်းမီးပၢၼ်ႁႃ ၵိၼ်ႁႅင်းမၢၵ်ႇထၢတ်ႈ​ သေ ၸိူဝ်းပဵၼ် iOS ဢၼ်ပူၼ်ႉမႃး ၼၼ်ႉဝႃႈၼႆ ၶႃႈယဝ်ႉ။ လွင်ႈဝႃႈ ၽိတ်းႁိုဝ် ထုၵ်ႇ ဢၼ်ဝႃႈၼၼ်ႉတႄႉ ဝႆႉၵမ်ႉၼိုင်ႈၵွၼ်ႇ။ ဢၼ်လပ်ႉလွင်းသေပိူၼ်ႈတႄႉ ယွၼ်ႉၶဝ် သႂ်ႇဝႆႉပၼ် လၢႆးႁဵတ်းၵၢၼ် ဢၼ်ဢမ်ႇပႃးဝႆႉ တီႈ iOS တၢင်ႇၸိူဝ်းၼၼ်ႉတႄႉ တေလႆႈဝႃႈ မီးၵပ်းၵၢႆၵၼ်ယူႇ ၶႃႈယဝ်ႉ။

ၽွင်းမိူဝ်ႈယၢမ်းၼၼ်တႄႉၵေႃႈ ၼင်ႇႁိုဝ် ပေႃးတေၸၢင်ႈယွမ်းပၼ် လွင်ႈၸႂ်ႉႁႅင်းမၢၵ်ႇထၢတ်ႈမၼ်းၼၼ်ႉၼႆ ၶႃႈႁဝ်းၶဝ် တေၼႄပၼ် သဵၼ်ႈတၢင်း မၼ်းၵမ်ႈၽွင်ႈၶႃႈ။ ၸိူဝ်းပဵၼ် သဵၼ်ႈတၢင်းၸိူဝ်းၼႆႉၵေႃႈ ဢမ်ႇတၢပ်ႈဝႃႈ လူဝ်ႇလႆႈႁဵတ်းၸွမ်း ၵူႈဢၼ်ၵူႈဢၼ်ၼင်ႇၵဝ်ႇ။ မၼ်းတေဢၢပ်ႈ သၢင်ႇထုၵ်ႇတွၼ်ႈတႃႇ ၸဝ်ႈၵဝ်ႇဢၼ်လႂ်ၵေႃႈ ႁဵတ်းၵႂႃႇၸွမ်း ဢၼ်ၼၼ်ႉၵူၺ်းၵေႃႈ လႆႈယဝ်ႉ။

ဢၼ်ပဵၼ် လွင်ႈႁဵတ်းၵၢၼ် ဢၼ်မႂ်ႇ ဢၼ်ပႃးမႃး တီႈၼႂ်း iOS 7 ဢၼ်ၼိုင်ႈ ဢၼ်လႆႈၸိုဝ်ႈဝႃႈ “Background App Refresh”  ၼၼ်ႉ သင်ၸိူဝ်ႉဝႃႈ ၸဝ်ႈၵဝ်ႇ ႁ​ဵတ်းဝႆႉ “Disable” ၼႆ မၼ်းတေယွမ်းလူင်းပၼ် လွင်ႈၸႂ်ႉတိုဝ်း ႁႅင်းမၢၵ်ႇထၢတ်ႈ ၸဝ်ႈၵဝ်ႇယူႇၶႃႈ။ ဢၼ်တေလႆႈ ၽၢင်ႉဝႆႉ ဢၼ်ၼိုင်ႈတႄႉၵေႃႈ သင်ၸိူဝ်ႉဝႃႈ ၸဝ်ႈၵဝ်ႇႁဵတ်းပႅတ်ႈ “Disable” ၼႆ ၸိူဝ်းပဵၼ် Lcoation Services ၸိူဝ်းၼၼ်ႉၵေႃႈ တေဢိုတ်းပဵၼ် Off ၵႂႃႇလႄႈ လွင်ႈၵွင်ႉသိုပ်ႇႁႃ Neavigation ၵေႃႈ တေဢမ်ႇၸၢင်ႈ ၸႂ်ႉလႆႈပႃးၶႃႈယဝ်ႉ။

ပေႃးၸဝ်ႈၵဝ်ႇ ဢမ်ႇပႆႇလူဝ်ႇၸႂ်ႉ ဢၼ်ပဵၼ် Airdrop ၼၼ်ႉၵေႃႈ ဢိုတ်းဝႆႉၶႃႈလႄႈ။

ဢၼ်ပဵၼ် “Automatic downloads” ၼၼ်ႉၵေႃႈ ႁဵတ်း “Off” ဝႆႉၶႃႈလႄႈ။ ႁူမ်ႈဝႃႈမၼ်းပဵၼ်ဢၼ် ၶဝ်ႈတၢင်းတိုဝ်းယူႇတႄႉတႄႉသေတႃႉၵေႃႈ ယွၼ်ႉပိူဝ်ႈ မၼ်းႁဵတ်းၵၢၼ် ၸွပ်ႇပၼ် ၶေႃႈမုၼ်း တွၼ်ႈတႃႇ ဢႅပ်ႉယူႇတႃႇ​သေႇလႄႈ မၼ်းၵေႃႈ ပဵၼ်ဢၼ်ၵိၼ် ႁႅၼ်းမၢၵ်ႇထၢတ်ႇယူႇ​တေ​ႉတေႉ။

သင်ၸိူဝ်ႉဝႃႈ ၸဝ်ႈၵဝ်ႇ ယွမ်းဝႆႉ “Brightnee” ၼႆ​တႄႉ မၼ်းတေသၢၵ်ႈသႃႇ ၵိၼ်ႁႅင်း မၢၵ်ႇထၢတ်ႈမၼ်းယူႇတႄႉတႄႉၶႃႈယဝ်ႉ။ ယွမ်းလႆႈၵႃႈႁိုဝ်​ၵေႃႈ ယွမ်းဝႆႉၶႃႈလႄႈ။ ယွၼ်ႉၸဝ်ႈၵဝ်ႇ ပိုတ်ႇဝႆႉ “Auto Brightnee” ၵူၺ်းတႄႉ မၼ်းတေဢမ်ႇတဵမ်ထူၼ်ႈလႆႈ။

တီႈဢၼ်ပဵၼ် “Notification Center” ၼၼ်ႉၵေႃႈ ၸဝ်ႈၵဝ်ႇ ၶႂ်ႈၸႂ်ႉတွၼ်ႈတႃႇ App ဢၼ်လႂ်ၵေႃႈ လိူၵ်ႈသေ ပိုတ်ႇဝႆႉဢၼ်ၼၼ်ႉၵူၺ်းၶႃႈလႄႈ။

တီႈဢၼ်ပဵၼ် ႁႅၼ်းပိူင်တွၼ်ႈတႃႇ ဢီးမေး Mail Setting ၼၼ်ႉ ဢၼ်ပဵၼ် “Fetch New Data” သေ တီႈPush ၼၼ်ႉၵေႃႈ ​ႁဵတ်းဝႆႉပၼ် “Disable” ၶႃႈလႄႈ။

ဢၼ်ပဵၼ် “Location Services” ၼၼ်ႉ သင်ၸိူဝ်ႉဝႃႈ ၸဝ်ႈၵဝ်ႇ ဢမ်ႇလူဝ်ႇၸႂ်ႉၵေႃႈ ဢိုတ်းဝႆႉ ႁဵတ်း “Off” ဝႆႉၶႃႈလႄႈ။

ဢၼ်ပဵၼ် တီႈ iOS7 Home Screen ၼၼ်ႉ ၶဝ်ႁ​ဵတ်းဝႆႉ ၸႂ်ႉဝႆႉ parallax effect သေၵေႃႈ ႁႂ်ႈ icon မၼ်းၶၢႆႉၸွမ်းၼၼ်ႉၶႃႈယဝ်ႉ။ ဢၼ်ၼၼ်ႉၵေႃႈ မၼ်းၵိၼ်ႁႅၼ်းမၢၵ်ႇထၢတ်ႈဝႆႉတႄႉၼင်ႇၵဝ်ႇ။ တွၼ်ႈတႃ​ႇတေၵိုတ်း ဢၼ်ၼၼ်ႉပႅတ်ႈၼႆႉၼႆ ၵႂႃႇတီႈ Settings -> General -> “Reduce Motion” ၼၼ်ႉ ႁဵတ်းဝႆႉပၼ် “Enable” ၶႃႈလႄႈ။

တီႈဢၼ်ပဵၼ် Wallpaper iOS 7 ၼၼ်ႉ မၼ်းတေမီးဝႆႉ “Dynamic” လႄႈတင်း “Stills” ၼႆၶႃႈဢေႃႈ။ ဢၼ်ပဵၼ် Dynamic ၼၼ်ႉတႄႉ မၼ်းႁဵတ်း ႁႂ်ႈတူင်ႉၼိုင်ႈပၼ်လႄႈ မၼ်းၵေႃႈ တိုဝ်းၵိၼ်ႁႅင်း မၢၵ်ႇထၢတ်ႈမၼ်းၶႃႈဢေႃႈ။

ဢၼ်ပဵၼ် Setting တွၼ်ႈတႃႇ Siri ဢၼ်ဝႃႈ “Raise to Speak” ဢၼ်ဝႃႈၼၼ်ႉၵေႃႈ ပေႃးၸဝ်ႈၵဝ်ႇ ဢိုတ်းမၼ်းဝႆႉ ႁဵတ်း “Disable” မၼ်းဝႆၼႆ မၼ်းၵေႃႈ တေဢမ်ႇပေႃးၵိၼ်ႁႅင်းမၢၵ်ႇထၢတ်ႈမၼ်းၼင်ႇၵဝ်ႇ။ ယွၼ်ႉပိူဝ်ႈဝႃႈ မၼ်းဢမ်ႇတၢပ်ႇလူဝ်ႇ ၵႂႃႇထတ်းသၢင်ႈ Proximity sensor မၼ်းယဝ်ႉ ၼႆၶႃႈဢေႃႈ။

တီႈ Spotlight Search ၼၼ်ႉၵေႃႈ ဢၼ်ၸဝ်ႈၵဝ်ႇ ဢမ်ႇတၢပ်ႈလူဝ်ႇႁႃၼၼ်ႉ ဢိုတ်းဝႆႉ “Off” ဝႆႉသေၶႃႈလႄႈ။

တွၼ်ႈတႃႇ Phone Call,  message လႄႈ လွင်ႈႁဵတ်းၵၢၼ်သင်သေ​ဢမ်ႇဝႃႈ ပေႃး​ပဵၼ်လႆႈ ယႃႇပေၸႂ်ႉ လွင်ႈသၼ်ႇၶွၼ်း “Vibrations” ၼႆၶႃႈဢေႃႈ။

တီႈဢၼ်ပဵၼ် Cellular Data setting ၼၼ်ႉ မၼ်းမီးဝႆႉ “LTE” ၼႆသေ သင်ၸိူဝ်ႉဝႃႈ ဢိုဝ်းမၼ်းဝႆႉ “Off” ဝႆႉ​ၼႆၵေႃႈ မၼ်းတေဢမ်ႇၵိၼ် ႁႅင်းမၢၵ်ႇထၢတ်ႈ ၼႆၶႃႈဢေႃႈ။

တီႈဢၼ်ပဵၼ် General -> Auto Lock ၼၼ်ႉ မၵ်းမၼ်ႈဝႆႉပၼ် ၶၢဝ်းယၢမ်း ပွတ်းပွတ်းဢွၼ်ႇၵူၺ်းၶႃႈလႄႈ။

သင်ၸိူဝ်ႉဝႃႈ ၸဝ်ႈၵဝ်ႇ ႁဵတ်းဝႆႉပၼ်  “Enable” ဢၼ်ပဵၼ် တီႈ  “Limit Ad Tracking” ၼၼ်ႉၼႆ​ မၼ်းတေ ႁႄႉၵင်ႈပၼ် လွင်ႈပိုၼ်ႇၶၢဝ်ႇ ဢၼ်ပႃးမႃးၸွမ်း App ၼၼ်ႉၼႆလႄႈ လွင်ႈၵိၼ်ႁႅင်း မၢၵ်ႇထၢတ်ႈၵေႃႈ တေယွမ်းလူင်းၵႂႃႇယူႇၶႃႈ။ Privacy -> Advertising -> Limit Ad Tracking -> Enable

သင်ၸိူဝ်ႉဝႃႈ ၸဝ်ႈၵဝ်ႇ လႅၵ်ႈလၢႆႈတူၺ်း ႁႅၼ်းပိူင် (Setting) ၸွမ်းၼင်ႇ ပႃႈၼိူဝ်ၼႆႉယဝ်ႉတႄႉ လွင်ႈၵိၼ်ႁႅင်းမၢၵ်ႇထၢတ်ႈ ၸဝ်ႈၵဝ်ႇၼၼ်ႉ မၼ်းတေ ဢမ်ႇပေႃးဝႆးယဝ်ႉ ၼႆၶႃႈဢေႃႈ။