လၢႆးဢူၼ်း Font Zawgyi သႂ်ႇ တီႈၼႂ်း iOS7 ဢမ်ႇတၢပ်ႇလူဝ်ႇႁဵတ်း Jailbreak

မိူဝ်ႈပူၼ်ႉမႃး ဢမ်ႇပႆႇ​ပေႃးႁိုင်ပေႃးၼၢၼ်းၼၼ်ႉ မီးမၢဝ်ႇၸၢႆး ဝဵင်းမိူင်းၵုတ်ႈၵေႃႉၼိုင်ႈ ႁဵတ်းဢွၵ်ႇ ဢၼ်ၵပ်းၵၢႆလူၺ်ႈ Font တႃႇၸႂ်ႉ တီႈၼႂ်း iOS 7 ၼႆၶႃႈဢေႃႈ။ မိူဝ်ႈပူၼ်ႉမႃး iOS ၸိူဝ်းပႃႈလင်ၼၼ်ႉ သင်ၸိူဝ်ႉဝႃႈ ၶႂ်ႈၸႂ်ႉ Font မၢၼ်ႈ Font တႆး ၼႆၸိုင် ႁဝ်းၶႃႈ လႆႈႁဵတ်း Jailbreak ယႃႉလဵဝ်ပႅတ်ႈ ပိူင်ႈသၢင်ႈမၼ်းသေ လူဝ်ႇၸႂ်ႉသင်ၵေႃႈ ၸင်ၶိုၼ်း ဢူၼ်းသႂ်ႇဢဝ်သေ ၸႂ်ႉမႃးၵူၺ်း။ တီႈဢၼ်ၸိုဝ်ႈသဵင်ယႂ်ႇ​တႄႉ ၵေႃႈ မၼ်းပဵၼ် Cydia ဢၼ်ဝႃႈၼၼ်ႉၶႃႈ​ယဝ်ႉ။ ထိုင်မႃးယၢမ်းလဵဝ် တႄႉၵေႃႈ ၸူဝ်ႈ iOS 7 ဢွၵ်ႇမႃးသေ ႁဝ်းၶႃႈ ဢမ်ႇတၢပ်ႇလူဝ်ႇ ယႃႇၵဝ်း ပိူင်သၢင်ႈ Jailbreak သင်သေၵေႃႈ ၸၢင်ႈဢူၼ်းသႂ်ႇလႆႈ Font ဢၼ်ႁဝ်း ၶႃႈၶႂ်ႈၸႂ်ႉ ၼၼ်ႉၶႃႈယဝ်ႉ။ ၼၼ်ႉ​တႄႉၵေႃႈ ပဵၼ်ၸၢႆးဢွၼ်ႇ ဢၼ်ယူႇ ဝဵင်းမိူင်းၵုတ်ႇ ဢၼ်လႆႈၸိုဝ်ႈဝႃႈ Thant Thet Khin Zaw ၼၼ်ႉ ၵေႃႉၶူင်သၢင်ႈႁဵတ်းဢွၵ်ႇမႃးပၼ်ၶႃႈဢေႃႈ။ ယၢမ်းလဵဝ်တႄႉၵေႃႈ တႃႇ Font Zawgyi မၢၼ်ႈတႄႉ ၸႂ်ႉလႆႈလီၶႃႈယဝ်ႉ။ တႃႈတူဝ်လိၵ်ႈတႆး Font Zawgyi Tai ၵေႃႈ ဢမ်ႇႁိုင် ဢမ်ႇၼၢၼ်း တေဢၢၼ်းၶတ်းၸႂ် ႁႂ်ႈၸႂ်ႉလႆႈ ယူႇဝႃႈၼႆၶႃႈဢေႃႈ။ ယၢမ်းလဵဝ်ၵေႃႈ ၸႂ်ႉလႆႈယူႇသေတႃႉ တူဝ်လိၵ်ႈ မၢင်ၸိူဝ်း တိုၵ်ႉမီး လွင်ႈၽိတ်းပိူင်ႈဝႆၵမ်ႈၽွင်ႈလႄႈ ၸင်ႇဝႃႈဢမ်ႇပႆ ႁဵတ်းဢွၵ်ႇပၼ် တႃႇ Font Zawgyi Tai ၼႆၶႃႈယဝ်ႉ။


ယၢမ်းလဵဝ​်တႄႉ ၶႃႈႁဝ်းတေသိုပ်ႇၽႄႈပၼ် လၢႆးဢူၼ်းသႂ်ႇ Font Zawgyi တႃႇသႂ်ႇၶဝ်ႈ တီႈၼႂ်း iPhone၊ iPad လႄႈ ၶိူင်ႈဢၼ်ၸႂ်ႉဝႆႉ iOS 7 တင်းသဵင်ႈၼၼ်ႉၶႃႈ။ ၼႆႉတႄႉၵေႃႈ ၶႃႈႁဝ်းလႆႈပိုင်ႈဢိင်ၼိူဝ် ၼႃႈလိၵ်ႈ ဝႅပ်ႉသၢႆႉ http://ttkz.me/MMFontOS7/ ဢၼ် ပီႈၸၢႆးတၢၼ့််တႅတ့်် ႁဝ်းႁဵတ်းဝႆ့ပၼ် ၼၼ်ႉသေ ၶိုၼ်ႈသိုပ်ႇၽႄႈပၼ် ၸိူဝ်းတေၶႂ်ႈၸႂ်ႉ Font Zawgyi တႃ iOS 7 ၼႆၶႃႈဢေႃႈ။

ဢွၼ်တၢင်းသုတ်း သင်ၸိူဝ်ႉဝႃႈ ၸဝ်ႈၵဝ်ႇ တေၶႂ်ႈ ဢူၼ်းသႂ်ႇ Font ၼႆႉၼႆ ၸဝ်ႈၵဝ်ႇ တေလႆႈၸႂ်ႉဝႆႉ iOS 7 ။

ယဝ်ႉၵေႃႈ ၸၼ်ႉမၢႆၼိုင်ႈတႄႉ
(1) ပိုတ်ႇပၼ် Safari ဢၼ်ပဵၼ် Mobile Browser ၼၼ်ႉၶႃႈလႄႈ။

(2) လူတ်ႇလူင်းဢဝ် Font Config File (Download font config file (tap here to download) ဢၼ်ပၼ်ဝႆႉ ႁဵၼ်းၵွင်ႉၼႆႉၶႃႈ။

(3) ၼဵၵ်းပၼ်တီႈ ၼဵၼ် Install ဢၼ်ဝႃႈၼၼ်ႉၶႃႈလႄႈ။

(4) ပေႃးၼၼ် တေလႆႈဝႃႈ ဢူၼ်းသႂ်ႇ Font Zawgyi ယဝ်ႉၵႂႃႇယဝ်ႉ။ (သင်ၸိူဝ်ႉဝႃႈ ပႆႇလႆႈႁၼ် တူဝ်လိၵ်ႈမၢၼ်ႈၼႆ ၶိုၼ်းမႄးႁဵတ်း Restart ၶိူင်ႈၾူင်း ၸဝ်ႈၵဝ်ႇၵမ်းၼိုင်ႈၶႃႈလႄႈ)

သင်ၸိူဝ်ႉဝႃႈ ႁဵၼ်းၵွင်ႉ ပႃႈၼိူဝ်ႈၼၼ်ႉ မၼ်းဢမ်ႁ​ဵတ်းပၼ်ၵၢၼ်ၼႆ့ ဢဝ်တီႈ ႁဵၼ်းၵွင်ႉ ဢၼ်ပၼ်ဝႆႉတီႈ ပႃႈတႂ်ႈၼႆႉၵေႃႈလႆႈယူႇၶႃႈ။

dropbox.com 

d-h.st 

mega.co.nz

ဢၼ်ပဵၼ် Font Config File ယၢမ်းလဵဝ်ၼႆ့ မၼ်းႁဵတ်းၵၢၼ်ပၼ်လႆႈတီႈ iPhone, iPad လႄႈ ၶိူင်ႈဢၼ်ၸႂ်ႉဝႆႉ iOS 7 ၵူႈဢၼ်ဢၼ်ၼၼ်ႉယူႇ။ ႁူမ်ႈဝႃႈၸဝ်ႈၵဝ်ႇ ႁၼ်လႆႈလိၵ်ႈမၢၼ်ႈသေတႃႉ ၸဝ်ႈၵဝ်ႇတေဢမ်ႇပႆႇ ၸၢင်ႈပေႃႉလိၵ်ႈ။ သင်ၸိူဝ်ႉဝႃႈ ၸဝ်ႈၵဝ်ႇ ၶႂ်ႈပေႃႉၼႆ တေလႆႈၸႂ်ႉပၼ် Mogok ဢမ်ႇၼၼ် LikeBook ၼႆၶႃႈယဝ်ႉ။

Mogok လႄႈ LikeBook ဢၼ်ဝႃႈၼႆႉၵေႃႈ မၼ်းပဵၼ် App ဢၼ် ပီႈၸၢႆး Thant Thet ႁဝ်း ၶူင်သၢင်ႈဢွၵ်ႇ တႃႇၸႂ်ႉတီႈၼႂ်း iOS ၼင်ႇၵဝ်ႇ။ မိူၼ်ၼင်ႇ App Mogok ၼႆႉၼႆ မၼ်းပဵၼ် ၶိူင်ႈပိုတ်ႇတူၺ်း ဝႅပ်ႉ Web Browser သေ တူၺ်းလႆႈ လိၵ်ႈမၢၼ်ႈ လိၵ်ႈတႆး လိၵ်ႈမွၼ်း၊ ပေႃႉလႆႈ လိၵ်ႈမၢၼ်ႈ လိၵ်ႈတႆး လိၵ်ႈမွၼ်းသေ ပဵၼ်ဢၼ်မီးၸိုဝ်ႈ မီးသဵင် တီႈၼႂ်းတူင်ႇဝိူင်း ၽူႈၸႂ်ႉတိုဝ်း iOS ၼႂ်းမိူင်း ၼွၵ်ႈမိူင်းတႄႉတႄႉၶႃႈဢေႃႈ။ ​ဢၼ်ပဵၼ် LikeBook ​ၼၼ်ႉၵေႃႈ မၼ်းပဵၼ် App တႃႇၸႂ်ႉ Facebook သေ ၼၼ်ႉၵေႃႈ ၸႂ်ႉလႆႈ လိၵ်ႈမၢၼ်ႈ လိၵ်ႈတႆးယူႇၼင်ႇၵဝ်ႇ။ လိူဝ်သေၼၼ်ႉဢမ်ႇၵႃႈ ဢၼ် ပီႈၸၢႆႈ Thant Thet ႁဝ်းၶူင်ဢွၵ်ႇသေ မီးၸိုဝ်ႈသဵင်ထႅင်ႈဢၼ်ၼိုင်ႈတႄႉၵေႃႈပဵၼ် KeyMagic ဢၼ်ဝႃႈၼၼ်ႉၶႃႈယဝ်ႉ။ ဢၼ်ပဵၼ် Software ၼႆ့ မၼ်းၸွႆႈထႅမ်ပၼ် ႁဝ်းၶႃႈ တႃႁႂ်ႈပေႃးပေႃႉလႆႈ လိၵ်ႈတႆးၵူႈၸၢဝ်းၶိူဝ်း ႁႂ်ႈပေႃးပေႃႉလႆႈတီႈၼိူဝ် ပိူင်ႈသၢင်ႈ OS ၶွမ်ႈ ၵူႈဢၼ်ဢၼ်, မိူၼ်ၼင်ႇ ၼိူဝ် Windows လႄႈသင်၊ Mac OS လႄႈသင် Linux Ubuntu လႄႈသင်ၼႆ ႁဝ်းၶႃႈ ၸၢင်ႈပေႃႉလႆႈ လိၵ်ႈတႆးႁဝ်း ငၢႆႈငၢႆႈလူမ်လူမ်တႄႉၶႃႈဢေႃႈ။

ယွၼ်ႉပိူဝ်ႈၼၼ်လႄႈ လီဢဝ် ၵုင်ႇမုၼ် ငိၼ်းၸူမ်းၸွမ်း ၸၢႆးမၢဝ်ႇဢွၼ်ႇၵေႃႉၼႆႉသေ ၼႂ်းတႆးႁဝ်းၵေႃႈ လီမီး ၵူၼ်းၸိူင်ႉၼင်ႇ မၼ်းၸၢႆးၼႆႉ ၼမ်ၼမ်ၼႆ ၶႃႈႁဝ်းလွမ်ႇမုင်ႈမွင်း ယွၼ်းသူးဝႆႉယူႇဢေႃႈ။