Blog ၼႆႉမၼ်းပွင်ႇဝႃႈသင်?

Blog  ၼႆႉမၼ်းပွင်ႇဝႃႈသင်?   Blog  ၿလွၵ်ႉၼႆႉမၼ်းပွင်ႇဝႃႈသင် မၼ်းဢၵျူဝ်းသင် ယဝ်ႉၵေႃႈမၼ်းႁဵတ်းသင်လႆႈ? Blog  ၼႆႉမၼ်းပဵၼ်ၵႂၢမ်းဢဵင်းၵလဵတ်ႈ  ဢမ်ႇၼၼ်ႁွင်ႉဝႃႈ  Weblog ပဵၼ်ၼႃႈဝဵပ်ႉသႆႉမဵဝ်းၼိုင်ႈၼင်ႇၵဝ်ႇ  Blog  ပဵၼ်းၶေႃႈၵႂၢမ်းပွတ်းဢွၼ်ႇဢၼ်လုၵ်ႉတီႈၵႂၢမ်းဢဵင်းၵလဵတ်ႈဢၼ်ႁွင်ႉၸိုဝ်ႈဝႃႈ  Weblog ယဝ်ႉၵေႃႈ  Weblog ၼႆႉပဵၼ်ၶေႃႈၵႂၢမ်းဢၼ်ဢဵင်းၵလဵတ်ႈဢဝ်ႈၵႂၢမ်းသွင်ၶေႃႈမႃးပွင်းၵၼ်မိူၼ်ၼင်ႇ  Web + Log Web  ၼႆႉမၼ်းပွင်ႇဝႃႈ  (ဝိူလ်းဝၢႆးဝဵပ်ႉ)  ယဝ်ႉၵေႃႈ  Log  ၼႆႉမၼ်းပွင်ႇဝႃႈ  (တႅမ်ႈ မၢႆ) 
ၸိူင်ႉၼႆလႄႈၵႂၢမ်းသွင်ၶေႃႈၼႆႉၸင်ႇဢွၵ်မႃးပဵၼ်ၶေႃႈၵႂၢမ်းဢၼ်ဝႃႈ  (တႅမ်ႈမၢႆသႂ်ႇၼိူဝ်ဝိုလ်းဝၢႆးဝဵပ်ႉၼႆယဝ်ႈ)၊ ႁူဝ်ႁုပ်ႈမၼ်းၵေႃႈ  Blog  ဢၼ်ဝႃႈၼႆႉ  မၼ်းပဵၼ်  Website  မဵဝ်းၼိုင်ႈဢၼ်ႁဝ်းလႆႈ  Post တႅမ်ႈမၢႆလူင်းၼႂ်ဝဵပ်ႉၼၼ်ၵူၺ်း  ဢၼ်ႁဝ်းတီမ်ႈမၢႆဝႆႉၼၼ်ႉမၼ်းလႆႈၵဵပ်းဝႆႈၸွမ်းဝၼ်း  လိူၼ် ပီလႄႈ  Post  ဢၼ်ႁဝ်းတႅမ်ႈဝႆႉၼၼ်ႉ  ဢၼ်လႂ်မၼ်းၵဝ်ႇ  ႁိုင်ယဝ်ႉ  တေယူႇတၢင်းတႅမ်ႇ ဢၼ်လႂ်ပဵၼ်  Post  မႂ်ႇတေမီးဝႆႉတၢင်ၼိူဝ်ဝႃႈၼင်ႇၼႆၶႃႈယဝ်ႈ၊ Blog  ၵမ်ႈၼမ်ၼႆႉပဵၼ်ၵူၼ်းၵေႃႉလဵဝ်တႅမ်ႈ ဢမ်ႇၼၼ်ပဵၼ်မုၵ်ႉၸုမ်းတႅမ်ႈၵေႃႈၸၢင်းမီးတၢင်းၼမ်  လွင်ႈဢၼ်ႁဝ်းတႅမ်ႈဝႆႉၼၼ်ႉ မီးတီႈၵၢင်ၸႂ်ႁဝ်းၶႂ်ႈတႅမ်ႈဝႆႉၵူၺ်း  ဢမ်ႇဝႃႈတေပဵၼ်တၢင်းႁူႉတၢင်းမေႃးသေၸိူဝ်ႉသေပိူင် ပၢႆးပၺႃႇ  ပၢႆးႁူႉၵူႈပၢႆးၵေႃႈဢဝ်မႃးတႅမ်ႈ  Blog  လႆႈယူႇ  Blog  ဢၼ်ႁဝ်းတႅမ်ႈဝႆႉၼၼ်ႉ မၼ်းလႆႈၸုတုမ်သေယဝ်ႉၵဵပ်းဢဝ်ဝႆႉပဵၼ်  Archives  ဝႆႉ  ဢၼ်ႁဝ်းတေၶဝ်ႈၵႂႃႇတူၺ်းၼၼ်ႉ မၼ်းမီး  Link  ၼေၶဝ်ႈတူၺ်  ၸွမ်းၼင်ႇဝၼ်း  ၸွမ်းလိူၼ်  လႄႈၸွမ်းပီ  ဢမ်ႇလူဝ်ႇမႆႈၸႂ်ၸွမ်းဝႃႈ  Blog  ဢၼ်ႁဝ်းတႅမ်ႈဝႆႉၼၼ်ႉတေႁၢႆၵႂႃႇတၢင်းလႂ်  ၵွပ်ႈပိူဝ်ႈဝႃႈၼႂ်  Archives  ၼၼ်ႉမၼ်းၵဵပ်းသိမ်းဝႆႉယူႇလီငၢမ်း  ယူႇတီႈႁဝ်းတၵ်းလႆႈမေႃၶဝ်ႈတူၺ်းဢိူဝ်ႈ။ Blog  ၼႆႈမီးၸွမ်း  Comment  ဢၼ်ပိုတ်ၽုၺ်ႇပၼ်ၵေႃႉၶဝ်ႈတူၺ်းလႆႈပၼ်တၢင်းႁၼ်ထိုင်တေႃႇႁၢင်ထွႆႈၵႂၢမ်းဢၼ်ႁဝ်းလႆႈတႅမ်ႈ   Blog  ၼၼ်ႉၶႂ်ႈမိူၼ်ၼင်ႇ  Web board  ၼင်ႇၵဝ်ႇ  ဢမ်ႇၼၼ်ပၼ်တၢင်းႁၼ်ထိုင်ၶႂ်ႈပၼ်ၽူႈတႅမ်ႈ  Blog  မူၼ်ႈမေးသင်ၵေႃႈလႆႈယူႇ Blog  ၼႆႉမၼ်းမီးပၼ်ႁဝ်းၸႂ်ႉမဵဝ်းလႂ်လၢႆလၢႆလႃႇ  Blog  ၼႆႉမီးပၼ်ၸႂ်ႉ  ၵူၺ်းၵႃႈတေလႆႈသဵင်ႈငိုၼ်း  ယဝ်ႉၵေႃႈထႅင်ႈမဵဝ်းၼိုင်ႈမဵင်ႇပၼ်ႁဝ်းၸႂ်ႉလၢႆလၢႆ  (ဢၼ်ၼႆႉတေၼေပၼ်)  ဢမ်ႇလႆႈသဵင်ႈၵႃႈၶၼ်သင်  မီးၶူဝ်းယိပ်း  Tool  မႃးပၼ်ၽွင်ႈယဝ်ႉ ၽူႈၶဝ်ႈၸႂ်ႉဢမ်ႇတၢပ်ႈမီးတၢင်းႁူႉလွင်ႈၶွမ်းၽိဝ်းတိူဝ်ႈၼမ်ၵေႃႈၸႂ်ႉလႆႈယူႇ  ၵမ်ႈၼမ်ၵေႃႈ  Blog  ၼႆႉပၼ်တၢင်းႁူႉတူင်ႇဝူင်းၵူၼ်းၼမ်  ၵွပ်ႈပိူဝ်ႈဝႃႈမၼ်းပဵၼ်  Website  မဵဝ်းၼိုင်ႈလႄႈ  ၼႂ်းလုမ်ႈၾႃႈၼႆႉမီးၵူၼ်းသူင်ၸႂ်ႉၵၼ်ၼမ်  ယူႇတီႈႁဝ်းၵေႃႉတႅမ်ႈၵူၺ်းတေပၼ်တၢင်းႁူႉပၼ်ၽႂ်ၼၼ်ႉၼႃႇ  (ပေႃးဢမ်ႇၶႂ်ႈပၼ်ၽႂ်ႁူႉၵေႃႈလႆႈယူႇ)  ၵုမ်မၼီႇယႂ်ႇယႂ်ႇမိူၼ်ၼင်ႇ  Google  Yahoo  ၼႆႉမီးဝႆႉပၼ်လုၵ်ႉလဵင်ႉၵူၼ်းႁဵတ်းၵၢၼ်ၼႂ်ၵုမ်မၼီႇတႅမ်ႈ  Blog  ၼေႉၼမ်းၵုၼ်ႇၵႃႉၶူဝ်းၶၢႆ ၵူၼ်းသိုဝ်ႉၵေႃႈၵျူၵ်ႈ  ၵွပ်ႈဝႃႈမၼ်းသၢၵ်ႈသႃႇ  ငၢႆႈၸႂ်ထူၼ်ႈ။ Blog တေၸႂ်ႉလႆႈၸိူင်ႉႁိုဝ်? ပေႃးႁဝ်းထင်သဝ်းယူႇၼႂ်းမိူင်းထႆးၼႆၸိုင်  ၶဝ်ႈၸႂ်ႉလႆႈတီႈ  Bloggang  exteen  Blogkaၸႃႉၵႂႃႇၸိူဝ်းၼႆႉ၊   ပေႃးပဵၼ်ၼွၵ်ႈမိူင်းၸွတ်တူဝ်ႈလုမ်ႈၾႃႉၼႆႉ  ဢၼ်ပိူၼ်ႈမႅင်ႇႁဝ်းၸႂ်ႉလႆႈၼၼ်ႉပဵၼ်  Blogger, WordPress,  MySpace  ဢိၵ်ပႃးထႅင်ႈလၢႆတီႈယူႇ  ၵူၺ်းၵႃႈဢမ်ႇပႆႇႁူႉသဵင်ႈ၊ ယဝ်ႉၵေႃႈဝၼ်းမိူဝ်ႈၼႆႉ  ၸွင်ႇႁဝ်းၶႂ်ႈမီး  Blog  ႁိုဝ်?  ႁဝ်းတေၸႂ်ႉ  Blog  ၼႆႉ  ပိုၼ်ၽေႈတၢင်းႁူႉတၢင်းမေႃႁဝ်းၼႆႉမိူၼ်ႁိုဝ်  ၸွင်ႇၶႂ်ႈမီႈ ၼႄႇ?  ပေႃးၶႂ်ႈမီးသိုပ်လၢမ်းတၢမ်းတူၺ်းထႅင်ႈႁႂ်ႈမၼ်းထိုင်တီႈၶႃႈလူး။